05.09.2025. шаҳри Душанбе.
Имрӯз таҳти роҳбарии муовини Раиси шаҳри Душанбе Абдураҳмонзода Абдураҳмон Сафаралӣ ҷаласаи Кумитаи тадорукот оид ба омодагӣ ба баргузор намудани бахши шаҳри Душанбе дар доираи Форуми байналмилалии сармоягузории «Душанбе инвест – 2025» баргузор гардид.
Имрӯз таҳти роҳбарии муовини Раиси шаҳри Душанбе Абдураҳмонзода Абдураҳмон Сафаралӣ ҷаласаи Кумитаи тадорукот оид ба омодагӣ ба баргузор намудани бахши шаҳри Душанбе дар доираи Форуми байналмилалии сармоягузории «Душанбе инвест – 2025» баргузор гардид.
Дар кори ҷаласа муовинони Раиси шаҳри Душанбе, роҳбарони сохторҳои дахлдори дастгоҳи Раис, Мақомоти иҷроияи ҳокимияти давлатии шаҳри Душанбе ва намояндагони дигар сохторҳои масъул иштирок намуданд.
Зимни ҷаласа масъалаҳои марбут ба омодагии ҳамаҷониба ва дар сатҳи баланди ташкилӣ баргузор намудани Форум мавриди баррасӣ қарор гирифтанд.
Ба масъулон ҷиҳати иҷрои саривақтии бандҳои Нақшаи чорабиниҳои бо қарори Раиси шаҳри Душанбе тасдиқгардида ва ҳамоҳангсозии фаъолияти сохторҳои дахлдор дастуру супоришҳои мушаххас дода шуд.
Қайд гардид, ки Форум яке аз чорабиниҳои муҳими байналмилалӣ дар самти ҷалби сармоя ба иқтисодиёти ҷумҳурӣ, аз ҷумла шаҳри Душанбе ба ҳисоб рафта, баргузор гардидани он имкони муҳайё сохтани шароити муфид барои муаррифии имконият ва иқтидорҳои сармоягузории пойтахти кишвар ва густариши ҳамкориҳои байналмилалиро фароҳам меорад.
English 