Имрӯз мулоқоти намояндагони Раёсати сармоягузорӣ ва идораи молу мулки давлатии шаҳри Душанбе бо намояндаи бахши хусусӣ аз Ҷумҳурии Исломии Эрон — Ризо Фотеҳӣ баргузор гардид.
Мулоқот ба ташрифи ҳайати тоҷирони эронӣ ба Ҷумҳурии Тоҷикистон бахшида шуда, ҳадафи он баррасии имкониятҳои рушди ҳамкории иқтисодӣ ва сармоягузорӣ буд.

Зимни вохӯрӣ ҷонибҳо оид ба имкониятҳои ҷалби сармоя, истеҳсол ва интиқоли маҳсулоти рақобатпазир, аз ҷумла маводҳои сохтмонӣ ва ғизоӣ ба бозори шаҳри Душанбе мубодилаи афкор намуданд.

Ҳар ду ҷониб омодагии худро барои таҳкими робитаҳои иқтисодӣ ва баррасии лоиҳаҳои муштараки сармоягузорӣ иброз дошта, изҳори умед намуданд, ки ҳамкориҳои минбаъда дар самтҳои зикршуда бо натиҷаҳои назаррас тавсеа хоҳанд ёфт.