Имрӯз вохӯрии ҳайати Раёсати сармоягузорӣ ва идораи молу мулки давлатии шаҳри Душанбе бо намояндагони ширкати чинии “Damingong”, ки дар соҳаи истеҳсоли масолеҳи сохтмонӣ ва мебел фаъолият дорад, баргузор гардид.

Зимни мулоқот ҷонибҳо оид ба имкониятҳои рушди ҳамкорӣ, ҷалби сармоя ва интиқоли маҳсулоти рақобатпазир ба бозори пойтахт мубодилаи афкор намуданд.

Ҳар ду ҷониб омодагии худро барои баррасии лоиҳаҳои муштарак ва таҳкими робитаҳои иқтисодӣ иброз дошта, изҳори умед карданд, ки ҳамкориҳо дар самтҳои зикршуда бо натиҷаҳои судманд идома хоҳанд ёфт.